តេស្ត Procalcitonin

 ហេតុអ្វីត្រូវធ្វើតេស្ត Procalcitonin

ដើម្បីធ្វើរោគវិនិច្ឆ័យ ប្រសិនបើអ្នកមានជំងឺធ្ងន់ធ្ងរ ហើយរកមូលហេតុមិនឃើញ និងជួយកំណត់ការឆ្លង ដោយបែងចែក លក្ខខណ្ឌដោយ បណ្តាលមកពីបាក់តេរី រឺមិនមែនបាក់តេរី។ ដើម្បីជួយណែនាំការព្យាបាល ដោយថ្នាំអង់ទីប៊ីយោទិច ។

តើត្រូវធ្វើតេស្តនៅពេលណា?

1. នៅពេលដែលអ្នកឈឺធ្ងន់ និងមានសញ្ញានៃការឆ្លងរាលដាលទៅផ្នែកផ្សេងៗនៃរាងកាយ (systemic infection) រឺ បណ្តាល មកពីបាក់តេរីបង្ករោគ (sepsis)
2. នៅពេលអ្នកមានរោគសញ្ញាដែលអាចបណ្តាលមកពីការឆ្លងពីបាក់តេរី ហើយអ្នកថែទាំសុខភាពរបស់អ្នកចង់កំណត់ថា តើថ្នាំអង់ទីប៊ីយោទិចមានប្រសិទ្ធភាព ឬអត់។

3. នៅចន្លោះពេលនៃការតាមដានប្រសិទ្ធភាពរបស់ការព្យាបាលដោយថ្នាំអង់ទីប៊ីយោទិច ។
Procalcitonin គឺជាសារធាតុដែលផលិតដោយកោសិកាជាច្រើនប្រភេទនៅក្នុងខ្លួនដែលភាគច្រើនដើម្បីប្រឆាំងនឹងការ បង្ករោគរបស់បាក់តេរី ប៉ុន្តែវាក៏អាចកើតឡើងដើម្បីប្រឆាំងការរងរបួសផ្សេងៗផងដែរ។ កម្រិតនៃ procalcitonin នៅក្នុងឈាមអាចកើនឡើងខ្លាំងប្រសិនការឆ្លងបណ្តាលមកពីបាក់តេរី (systemic bacterial) និង Sepsis ។

Sepsis គឺជាការឆ្លើយតបនៃការរលាកដែលធ្ងន់ធ្ងរលើសលប់ហើយជួនកាលមានគ្រោះថ្នាក់ដល់អាយុជីវិតចំពោះការឆ្លងបណ្តាលមកពីបាក់តេរី។
ជាធម្មតាប្រព័ន្ធភាពស៊ាំរបស់មនុស្សម្នាក់ៗ អាចកំណត់ដឹងពីការ បង្ករោគ កំណត់បាក់តេរី និងកំណត់កំរិតនៃការឆ្លើយតបរបស់វា ទៅគ្រប់កន្លែងដែលមានការឆ្លងនៅលើរាងកាយ។
ទោះយ៉ាងណាក៏ដោយការបង្ករោគខ្លះអាចចាប់ផ្តើមនៅទីតាំងមួយ នៃរាងកាយហើយបន្ទាប់មករាលដាលទៅដល់ឈាម (bacteremia) ហើយរាលដាលដល់កន្លែងផ្សេងទៀតនៃ រាងកាយ ។

ជាមួយនឹង sepsis រាងកាយប្រឹងដុតកំដៅ ដើម្បីជាការទប់ទល់នូវការចម្លងរោគ។
ការប្រឹងដុតកំដៅនេះអាច បណ្តាលឱ្យមានការកើនឡើង ឬធ្លាក់ចុះនៃសីតុណ្ហភាពរាងកាយ, កើនឡើងអត្រាចង្វាក់បេះដូង, អត្រាដកដង្ហើម និងការថយចុះនៃសម្ពាធឈាម។
ប្រសិនមិនមានការព្យាបាលដោយជោគជ័យទេ ជំងឺសរសៃ ប្រសាទ អាចវិវត្តទៅជាជំងឺ sepsis ធ្ងន់ធ្ងរ។
លក្ខខណ្ឌផ្សេងទៀតក៏អាចបង្កើនកំរិត procalcitonin នៅក្នុងឈាមផងដែរប៉ុន្តែជាធម្មតា procalcitonin មានតែកម្រិតទាបប៉ុណ្ណោះ។

ឧទាហរណ៍នៃលក្ខខណ្ឌទាំងនេះរួមមានការបំផ្លាញជាលិកា ដោយសារព្រឹត្តិការណ៍ផ្សេងៗដូចជា របួស, ការវះកាត់, ជំងឺរលាក លំពែង, រលាក, ចង្វាក់បេះដូងប្រែប្រួល (ទាក់ទងនឹងការគាំង បេះដូង) និងការចូលរួមរបស់តម្រងនោមក្នុងការឆ្លងមេរោគលើផ្លូវបង្ហូរទឹកម៉ូត្រចំពោះកុមារ។
ការធ្វើតេស្ត procalcitonin មានប្រយោជន៍ក្នុងការរកឃើញ Sepsis និងការឆ្លងដែលបណ្តាលមកពីបាក់តេរីកាចសាហាវ នៅដំណាក់កាលដំបូង និងដើម្បីបែងចែករវាងការឆ្លងដោយបាក់តេរី រឺមិនមែនបាក់តេរី និង អាការៈដ៏ទៃទៀតរបស់អ្នកជំងឺ ដែល មានសភាពធ្ងន់ធ្ងរ។