Cirhosis and Ascites (ជម្ងឺក្រិនថ្លើមទាក់ទងនិងជម្ងឺទាកទឹក)

 ជំងឺក្រិនថ្លើមគឺជាដំណើរវិវត្តន៍នៃកោសិកាថ្លើមដែលត្រូវបានបំផ្លាញអោយខូចខាត ហើយជំនួសមកវិញដោយកោសិកាក្រិនរឹង និង មានស្នាមសន្លាក។ 

កោសិកាថ្លើមដែលក្រិនរឹងនិងមានស្នាមសន្លាកវាបង្ករអោយលំហូរឈាមពិបាកឆ្លងកាត់ថ្លើមហើយខ្សោយ ពេលដែលលំហូរឈាមឆ្លងកាត់ថ្លើមខ្យោយវារិតតែបង្កបញ្ហាអោយកោសិកាថ្លើមបន្តរខូចខាតឬងាប់ និង បាត់បង់មុខងារកាត់តែធ្ងន់ធ្ងរៗ ។

ជំងឺក្រិនថ្លើមចែកចេញជា២ដំណាក់កាលដូចខាងក្រោម៖ 

~ ជំងឺក្រិនថ្លើមដំណាក់កាលស្រាល ឬ ជាភាសាអង់គ្លេសហៅថា Compensated cirrhosis: គឺកោសិកាថ្លើមដែលបានខូចខាតទាំងនោះវាអាចនៅបំពេញមុខងារបានភាគច្រើន និង មិនទាន់មានរោគសញាអ្វីស្តែងចេញអោយដឹងនោះទេ។ 

~ ជំងឺក្រិនថ្លើមដំណាក់កាលធ្ងន់ ឬ ជាភាសាអង់គ្លេសហៅថា Decompensated cirrhosis: គឺកោសិកាថ្លើមខូចខាតទាំងស្រុងមិនអាចបំពេញមុខងារបានទេឬ អាចនិយាយបានថា ក្រិនថ្លើមដំណាក់កាលចុងក្រោយដែលបង្ករអោយមានផលវិបាកជាច្រើនស្តែងចេញមកជាមួយដូចជា៖ កើនសម្ពាធនៅក្នុងសសៃវ៉ែន( សសៃឈាមខ្មៅសំរាប់នាំឈាមចូលទៅក្នុងថ្លើម ) បណ្តាលអោយហើមប៉ោងនិងអាចបែកសសៃឈាមនៅបំពង់អាហារ នៅក្នុងក្រពះ ,  ហូរឈាមផ្នែកក្នុងពោះ និង កើតទាចទឹក(ការប្រមូលផ្តុំទឹកដក់នៅក្នុងស្រោមពោះ ឬ ជាភាសាអង់គ្លេសហៅថា ASCITES ) ។ មានផលវិបាកធ្ងន់ៗជាច្រើនទៀតដូចជា កើនឡើងជាតិពុលច្រើនបុកទៅខួរក្បាលនាំអោយប្រកាច់ ឬ ស្ថានភាពខួរក្បាលមិនល្អ ជាដើម។

 ការពិនិត្យព្យាបាលអោយទាន់ពេលវេលាវាគឺមានសារៈសំខាន់បំផុតក្នុងការជួយកំអោយជំងឺវិវត្តន៍ធ្ងន់ ។ ការព្យាបាលក្រិនថ្លើមដំណាក់កាលស្រាលអោយបានត្រឹមត្រូវគឺយើងអាចជួយសង្រ្គោះកោសិកាថ្លើម និង មុខងារថ្លើមបានល្អជាងការវិវត្តន៍ទៅជាក្រិនថ្លើមដំណាក់កាលចុងក្រោយដែលអ្វីៗនិងត្រូវហួសពេល មានតែការប្តូរថ្លើមតែមួយមុខប៉ុន្នោះដែលអាចជួយអ្នកជំងឺបាន៕